අද ලංකාවේ – පුවත් හා සිදුවීම්

  ඉන්දුනීසියාවේ ජාකර්තා නුවරදී අත්අඩංගුවටට ගෙන මෙරටට රැගෙන ආ ප්‍රබල සංවිධානාත්මක අපරාධකරුවන් පස්දෙනා ස්ථාන දෙකක රඳවාගෙන ප්‍රශ්න කිරීම් සිදු කරනු ලබන බව පොලිස් මූලස්ථානය පැවසීය. අපරාධ පරීක්ෂණ දෙපාර්තමේන්තුවේ සහ බස්නාහිර පළාත උතුර අපරාධ කොට්ඨාසයේ රඳවාගෙන ඔවුන්ගෙන් ප්‍රශ්න කරීම් සිදු කරන බව සඳහන් වෙයි. ත්‍රස්තවාදය වැළැක්වීමේ පනත යටතේ ඔවුන් සම්බන්ධයෙන් පැය 72ක රැඳවුම් නියෝග මත ප්‍රශ්න කිරීම් සිදුකරන බව පොලීසිය සඳහන් කළේය. ඉන්දුනීසියානු පොලිසිය, ජාත්‍යන්තර පොලිසිය හා ශ්‍රී ලංකා පොලිසිය ඉන්දුනීසියාවේ සිදුකළ ඒකාබද්ධ මෙහෙයුමකින් පසු කෙහෙල්බද්දර පද්මේ, කමාන්ඩෝ සලින්ත, පානදුරේ නිලංග, බැකෝ සමන් හා තැඹිලි ලහිරු යන සංවිධානාත්මක අපරාධකරුවන් පිරිස පසුගියදා අත්අඩංගුවට ගනු තිබුණි. අදාළ මෙහෙයුම හා සම්බන්ධ වූ ඉන්දුනීසියානු හා මෙරට පොලිස් නිලධාරීන් කණ්ඩායම එම අපරාධකරුවන් පිරිස ඊයේ රාත්‍රියේ මෙරටට රැගෙන ඒමට පියවර ගෙන ගත්තේය. දිවයිනට රැගෙන ඒමෙන් අනතුරුව කෙහෙල්බද්දර පද්මේ, කමාන්ඩෝ සලින්ත, පානදුරේ නිලංග යන තිදෙනා ඉදිරි විමර්ශන සඳහා අපරාධ පරීක්ෂණ දෙපාර්තමේන්තුව වෙත භාරදී ඇති අතර බැකෝ සමන් හා තැඹිලි ලහිරු ය...

  එක්සත් ජාතික පක්ෂ සම්මේලනය සඳහා විපක්ෂයේ සියලු දේශපාලන පක්ෂ නායකයින්ට ආරාධනා කිරීමට එක්සත් ජාතික පක්ෂය තීරණය කර තිබේ. සැප්තැම්බර් මස 06 වනදා පැවැත්වීමට නියමිත පක්ෂ සම්මේලනය සඳහා වන සාකාච්ඡාවක් අද (31) පෙරවරුවේ පැවැත්විණි. එහිදී මේ සම්බන්ධයෙන් යෝජනා වී ඇති අතර අදාළ යෝජනාව එළැඹෙන 03 වැනිදා පැවැත්වෙන එක්සත් ජාතික පක්ෂ කෘත්‍යාධිකාරී මණ්ඩල රැස්වීමට යොමු කිරීමට නියමිතව ඇත. ඒ අනුව දැනට පක්ෂය හැර ගියා සේ සලකා පක්ෂ සාමාජිකත්වය අත්හිටුවා ඇති සාමාජිකයින්ගේ තහනම ද ඉවත් කිරීමට තීරණය කර තිබේ. එමෙන්ම මෙම යෝජනාවද එක්සත් ජාතික පක්ෂ කෘත්‍යාධිකාරී මණ්ඩල රැස්වීමට යෝජනා කෙරෙණු ඇත. ඉදිරි දින කිහිපය තුළ හිටපු ජනාධිපති රනිල් වික්‍රමසිංහ මහතා විසින් විපක්ෂයේ දේශපාලන පක්ෂ නායකයින්ට පෞද්ගලිකවම කතා කර පක්ෂ සම්මේලනයට සහභාගී වන ලෙස ආරාධනා කිරීමට නියමිතව තිබේ. එමෙන්ම විපක්ෂයේ නියෝජිතයින්ට සහභාගී විය හැකි පරිදි පක්ෂ සම්මේලනය සිරිකොත පක්ෂ මූලස්ථානයේ නොපවත්වා වෙනත් මධ්‍යස්ථ ස්ථානයක පැවැත්වීමට එක්සත් ජාතික පක්ෂය තීරණය කර තිබේ. මෙම තත්ත්වය තුළ මෙවර පැවැත්වීමට නියමිත එක්සත් ජාතික පක්ෂ සම්මේලනය වෙනස් මුහුණුවරක් ගනු ඇ...

  ශ්‍රී ලංකා කණ්ඩායම සහ සිම්බාබ්වේ කණ්ඩායම අතර දෙවන එක්දින ක්‍රිකට් තරගය මේ වන විට හරාරේ ක්‍රීඩාංගණයේ දී පැවැත්වෙයි. එහිදී ශ්‍රී ලංකා කණ්ඩායම වෙනුවෙන් පැතුම් නිස්සංක ශතකයක් ලබා ගැනීමට සමත් විය. ඒ පන්දු 111ක දී හතරේ පහරවල් 15ක් සමඟිනි. තරගයේ කාසියේ වාසිය දිනූ ශ්‍රී ලංකා කණ්ඩායමේ ආරාධනයෙන් ප්‍රථමයෙන් පන්දුවට පහරදීමට පිටියට පිවිසි සිම්බාබ්වේ කණ්ඩායම නියමිත පන්දුවාර 50 අවසානයේ කඩුලු 7ක් පමණක් බිඳ වැටී ලකුණු 277ක් රැස් කිරීමට සමත් විය. ඒ අනුව පිළිතුරු ඉනිම ක්‍රීඩා කරන ශ්‍රී ලංකා කණ්ඩායම මේ වන විට කඩුලු 3ක් දැවී ලකුණු 175ක් රැස් කරගෙන සිටී. More>>>

  හිටපු ජනාධිපති රනිල් වික්‍රමසිංහ මහතාට එංගලන්තයේ වොල්වර්හැම්ප්ටන් විශ්ව විද්‍යාලයේ පැවති උපාධි ප්‍රදානොත්සවය සඳහා නිල ආරාධනයක් කළ බවට එම විශ්ව විද්‍යාලය යළිත් වරක් තහවුරු කර ඇතැයි හිටපු ජනාධිපතිවරයාගේ මාධ්‍ය අධ්‍යක්ෂ ජනරාල් ලෙස කටයුතු කළ ධනුෂ්ක රාමනායක මහතා පවසයි. මේ අතර හිටපු ජනාධිපතිවරයා එංගලන්තයේ සිදුකළ සංචාරයට අදාළව සිදුකරන විමර්ශනය සඳහා ප්‍රකාශයක් ලබාගැනීමට හිටපු ජනාධිපති ලේකම් සමන් ඒකනායක මහතා හෙට දින අපරාධ පරීක්ෂණ දෙපාර්තමේන්තුව වෙත කැඳවා තිබේ. හිටපු ජනාධිපති රනිල් වික්‍රමසිංහ මහතා එංගලන්තයේ සිදුකළ සංචාරයකට අදාළව ඉකුත් අගෝස්තු 22 වැනිදා ඒ මහතාව අත්අඩංගුවට ගෙන රක්ෂිත බන්ධනාගාරගත කෙරුණු අතර පසුව අගෝස්තු 26 ඇප මත මුදාහැරිණි. ඒ වන විටත් රෝගී තත්ත්වය මත ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටි හිටපු ජනාධිපතිවරයා ඉකුත් සිකුරාදා රෝහලෙන් පිටව ගියේය.  ඒ මහතා මේ වන විට සිය නිවසේ විවේකීව ප්‍රතිකාර ලබමින් සිටී. මේ අතර හිටපු ජනාධිපති රනිල් වික්‍රමසිංහ සැප්තැම්බර් 06 වැනිදා පැවැත්වෙන එක්සත් ජාතික පක්ෂ සම්මේලනයේදී විශේෂ ප්‍රකාශයක් සිදුකිරීමට නියමිත බව ඒ මහතාගේ මාධ්‍ය අංශය...

  බදුල්ල පස්සර 10 කණුව ප්‍රදේශයේ නිවසක් තුළ තිබී අබිරහස් ලෙස මියගිය තරුණයින් දෙදෙනෙකුගේ මළ සිරුරු සොයා ගෙන තිබේ. පස්සර පොලීසියට ලද තොරතුරක් මත සිදු කළ විමර්ශනයකදී මෙම මළ සිරුරු සොයා ගෙන ඇත. මෙලෙස මිය ගොස් ඇත්තේ 28 හැවිරිදි සහ 33 හැවිරිදි තරුණයින් දෙදෙනෙකු බව පොලීසිය සඳහන් කළේය. මේ සම්බන්ධයෙන් පස්සර පොලීසිය වැඩිදුර විමර්ශන සිදු කරයි.  More>>>

  සිම්බාබ්වේ කණ්ඩායම සමඟ හරාරේ ක්‍රීඩාංගණයේ අද (31) පැවති දෙවන එක්දින ක්‍රිකට් තරගයේ ජයත් හිමිකර ගැනීමට ශ්‍රී ලංකා කාණ්ඩායම සමත්විය. ඒ අනුව තරගාවලියේ ජය ශ්‍රී ලංකා කාණ්ඩායමට හිමි වේ. තරගයේ කාසියේ වාසිය දිනූ ශ්‍රී ලංකා කණ්ඩායමේ ආරාධනයෙන් ප්‍රථමයෙන් පන්දුවට පහරදීමට පිටියට පිවිසි සිම්බාබ්වේ කණ්ඩායම නියමිත පන්දුවාර 50 අවසානයේ කඩුලු 7ක් පමණක් බිඳ වැටී ලකුණු 277ක් රැස් කිරීමට සමත් විය. පන්දුවට පහර දීමේ දී සිම්බාබ්වේ කණ්ඩායම වෙනුවෙන් Ben Curran ලකුණු 79ක් සහ Sikandar Raza නොදැවී ලකුණු 59ක් රැස් කිරීමට සමත් විය. පන්දු යැවීමේ දී  ශ්‍රී ලංකා කණ්ඩායම වෙනුවෙන් දුශ්මන්ත චමීර කඩුලු 3ක් සහ අසිත ප්‍රනාන්දු කඩුලු 2ක් බිඳ හෙලීමට සමත් විය. ඒ අනුව ශ්‍රී ලංකා කණ්ඩායමට හිමි වූ ඉලක්කය ලකුණු 278කි. පිළිතුරු ඉනිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායම පන්දුවාර 49යි පන්දු 3කදී කඩුලු 5ක් දැවී ලකුණු 278ක් රැස්කරමින් තරගයේ ජය වාර්තා කළේය. පැතුම් නිස්සංක පන්දු 136කට ලකුණු 122ක් රැස් කළ අතර තරගයේ මෙන්ම තරගාවලියේ වීරයා සම්මානය ද හිමිකර ගත්තේය. ශ්‍රී ලංකා කණ්ඩායම වෙනුවෙන් චරිත් අසලංක ලකුණු 71ක්,...

  ශ්‍රී ලංකා පොලිසිය, ඉන්දුනීසියාවේ ජකර්තා නුවර පොලිසිය සහ ජාත්‍යන්තර පොලිසිය ඒකාබද්ධව සිදුකළ මෙහෙයුමකින් පසුගියදා අත්අඩංගුවට ගැනුණු සංවිධානාත්මක අපරාධකරුවන් මෙන්ම, මත්ද්‍රව්‍ය ජාවාරම්කරුවන් වන කෙහෙල්බද්දර පද්මේ, කමාන්ඩෝ සලින්ත, බැකෝ සමන් ඇතුළු පිරිස රැගත් ශ්‍රී ලංකන් ගුවන් යානය ඊයේ රාත්‍රි 7.30ට පමණ කටුනායක ගුවන් තොටුපොළට ළඟා විය. එම යානයේ ඉන්දුනීසියානු පොලිස් නිලධාරීන් කණ්ඩායමක්ද පැමිණි අතර, එහිදී ඔවුන්ව සහ මෙම මෙහෙයුම සිදුකළ බස්නාහිර උතුර අපරාධ කොට්ඨාසය භාර සහකාර පොලිස් අධිකාරී රොහාන් ඕලුගල මහතා සහ අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී මහින්ද ජයසුන්දර යන නිලධාරීන් ද පොලිසිය විසින් පිළිගත්තේය. එම අවස්ථාවේදී ගුවන් තොටුපොළට පැමිණ සිටි මහජන ආරක්ෂක අමාත්‍ය ආනන්ද විජේපාල මහතා සහ පොලිස්පති නීතිඥ ප්‍රියන්ත වීරසූරිය මහතා ඇතුළු නිලධාරීන් විසින් මෙම මෙහෙයුමේදී දායකත්වය දැක්වූ ඉන්දුනීසියානු ආරක්ෂක අංශ සාමාජිකයින්ට තිළිණ ප්‍රදානයක් සිදුකරනු ලැබුවේය. පසුගියදා බස්නාහිර උතුර අපරාධ කොට්ඨාසයේ සංවිධානාත්මක අපරාධ මැඩලීමේ ඒකකයේ ස්ථානාධිපති ප්‍රධාන පොලිස් පරීක්ෂක ලින්ටන් ද සිල්වා මහ...

  ලංකා ඛනිජ තෙල් නීතිගත සංස්ථාවේ මිල සූත්‍රයට අනුකූලව මාසිකව සිදු කරනු ලබන සිපෙට්කෝ ඉන්ධන සිල්ලර මිල ගණන් සංශෝධනයට අදාලව, සැප්තැම්බර් මස ඉන්ධන මිල ගණන් සංශෝධනය වී තිබේ. ඒ අනුව ඔක්ටේන් 95 පෙට්‍රල් ලීටරයක මිල නොවෙනස් වන අතර පැවති මිල රුපියල් 341කි. ඔක්ටේන් 92 පෙට්‍රල් ලිටරයක් රුපියල් 6කින් පහළ දමා ඇති අතර නව මිල 299ක් වේ. ලංකා සුදු ඩීසල් ලිීටරයක් රුපියල් 6කින් පහළ දමා ඇති අතර නව මිල 283ක් වේ. සුපිරි ඩීසල් ලීිටරයක් රුපියල් 12කින් පහළ දමා ඇති අතර නව මිල 313ක් වේ. ලංකා භූමිතෙල් මිලෙහි වෙනසක් සිදු වී නොමැති බව දැනුම් දී තිබේ. අදාළ සම්පුර්ණ නිවේදනය පහතින් දැක්වේ. More>>>

  සබරගමුව පළාතේ මහනුවර සහ නුවරඑළිය දිස්ත්‍රික්කවලත් බස්නාහිර සහ වයඹ පළාත්වලත් ගාල්ල සහ මාතර දිස්ත්‍රික්කවලත් වැසි ස්වල්පයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි. ඌව පළාතේත් අම්පාර සහ මඩකලපුව දිස්ත්‍රික්කවලත් ප.ව. 2.00න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකියි. එමෙන්ම මධ්‍යම කඳුකරයේ බටහිර බැවුම් ප්‍රදේශවලත් උතුරු - මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් පැ.කි.මී. (40-50)ක පමණ තද සුළං ඇති විය හැකි බව වාර්තා වේ. දෘශ්‍ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් මස 07 දක්වා ශ්‍රී ලංකාව ආසන්න අක්ෂාංශවලට සෘජුවම ඉහලින් පවතින බවද එම නිවේදනයේ දැක්වේ. ඒ අනුව හෙට දිනයේ (01) දහවල් 12:10ට මුදලෛපලයි, බලගොල්ලාගම, රාජාංගනය, එප්පාවල, මැදිරිගිරිය, පල්ලිත්තිඩාල්, වාකරේ ප්‍රදේශවලට හිරු මුදුන්ව පවතියි. More>>>

  ශ්‍රී ලංකාවට මෙන්ම ලොව බොහෝ රටවලට දිස්වන පූර්ණ චන්ද්‍රග්‍රහණයක් සැප්තැම්බර් මස 07 වනදා සිදුවන බව‍ කොළඹ විශ්වවිද්‍යාලයේ තාරකා විද්‍යා සහ අභාවකාශ විද්‍යා ඒකකයේ අධ්‍යක්‍ෂ මහාචාර්ය චන්දන ජයරත්න මහතා පවසයි. සැප්තැම්බර් මස 07 වැනිදාට යෙදී ඇති නිකිණි පොහෝ දින රාත්‍රී 8.58 සිට 8 වනදා අලුයම 2.25 දක්වා පැය 5යි මිනිත්තු 27ක පමණ කාලයක් මෙම චන්ද්‍රග්‍රහණය නිරීක්ෂණය කිරීමේ දුර්ලභ අවස්ථාව හිමිවන බව ඔහු වැඩිදුරටත් පැවසුවේය. සූර්යයා හා චන්ද්‍රයා අතරින් පෘථිවිය ගමන් කරන අතර පෘථිවියෙහි වඩා අදුරු වූ පූර්ණ ඡායාව තුළින් චන්ද්‍රයා ගමන් කිරිම හේතුකොට ගෙන  පැයකුත් මිනිත්තු 22ක කාලයක් චන්ද්‍රයා අදුරු වී යාම මෙහිදී සිදුවන බව මහාචාර්ය චන්දන ජයරත්න මහතා පෙන්වා දුන්නේය.   පුර්ණ චන්ද්‍රග්‍රහණය සම්පූර්ණයෙන් දිස්වීම 07 වනදා රාත්‍රී 11.01  සිට 08 වැනිදා අළුයම 12.22ක් දක්වා කාලය තුළ සිදුවන බවද සඳහන් වේ. එමෙන්ම මෙම චන්ද්‍රග්‍රහණය පූර්ණ වශයෙන් හෝ අර්ධ ග්‍රහණයක් වශයෙන් සියයට 85ක් පමණ ලෝක ජනතාවට දිස්වනු ඇති අතර 2028 දක්වා මෙවැනි පූර්ණ චන්ද්‍රග්‍රහණයක් දැකීමට ශ්‍රී ලාංකිකයින්ට අවස්ථාව නොලැබෙන බව ද මහාචාර...

  දකුණු කැරිබියන් මුහුදේ අමෙරිකානු යුද නෞකාවක් ස්ථානගත කිරීමක් හේතුවෙන් වෙනිසියුලාව තුළ දේශපාලනිකව සහ ජාතික ආරක්ෂාව සම්බන්ධයෙන් මතභේදකාරී තත්ත්වයක් ඇතිවී තිබේ.  ලතින් අමෙරිකානු කලාපය තුළ පවතින මත්ද්‍රව්‍ය ජාලය මැඩපැවැත්වීමට එම නෞකාව ස්ථානගත කළ බව අමෙරිකාව පවසයි. වෙනිසියුලාවට ඔබ්බෙන් වූ දකුණු කැරිබියන් මුහුදේ අමෙරිකානු යුද නෞකාවක් ස්ථානගත කෙරුණේ ලතින් අමෙරිකානු කලාපය තුළ පවතින මත්ද්‍රව්‍ය ජාලය මැඩපැවැත්වීමට බව පවසමින්ය. කෙසේවෙතත් අමෙරිකාවේ මෙම ක්‍රියාමාර්ගය වෙනිසියුලාව තුළ දේශපාලනිකව සහ ජාතික ආරක්ෂාව සම්බන්ධයෙන් මතභේදකාරී තත්ත්වයක් ඇති කර තිබේ. ඒ එම නෞකාව ස්ථානගත කිරීමේ ප්‍රධාන ඉලක්කය වන්නේ වත්මන් වෙනිසියුලානු රජය බවට සැක පල කරමින්ය. අමෙරිකාව පසුගිය අගෝස්තු මාසයේදී වෙනිසියුලානු ජනාධිපති නිකොලස් මදුරෝ අත්අඩංගුවට ගැනීමට තොරතුරක් දෙන අයෙකුට ලබා දෙන බවට මීට පෙර නිවේදනය කර තිබූ ත්‍යාග මුදල ඩොලර් මිලියන 50 දක්වා ඉහළ දැමුවේය. ඒ ඔහු මත්ද්‍රව්‍ය ජාවාරමට සහ අපරාධ කල්ලිවලට සම්බන්ධ බවට චෝදනා කරමින්ය. එමෙන්ම අදාළ කලාපය තුළ න්‍යෂ්ටික අවි සහිත සබ්මැරීනයක් ඇතුළු අමෙරිකානු යුද නෞකා 7ක් සමඟ සෙබල...

  ශ්‍රී ලංකා ක්‍රිකට් කණ්ඩායමට දඩයක් නියම කළ බව ජාත්‍යන්තර ක්‍රිකට් කවුන්සිලය අද (31) නිවේදනය කළේය. ඒ, ශ්‍රී ලංකාව සහ සිම්බාබ්වේ කණ්ඩායම අතර පැවති පළමු එක්දින තරගයේදී නියමිත කාලය තුළ පන්දුවාර සංඛ්‍යාව යවා නොතිබීම හේතුවෙනි. ඒ අනුව තරග ගාස්තුවෙන් සියයට පහක දඩයක් ජාත්‍යන්තර ක්‍රිකට් කවුන්සිලය විසින් මෙලෙස නියම කර තිබේ. ක්‍රීඩකයින් සහ ක්‍රීඩක සහායක පිරිස් සඳහා වන ICC චර්යාධර්ම සංග්‍රහයේ 2.22 වගන්තියට අනුව මෙම දඩයක් නියම කර ඇත. නායක චරිත් අසලංක වරදට වරද පිළිගෙන ඇති අතර යෝජිත දඬුවම පිළිගෙන ඇති බැවින් විධිමත් විභාගයක් සිදු නොවූ බව ICC නිවේදනයක් නිකුත් කරමින් කියා සිටියේය. More>>>

  වෙන්නප්පුව පොලීසිය ආසන්නයේ පිහිටි වැව පාර ප්‍රදේශයේදී අද (31) පෙරවරු 10.30ට පමණ වෙඩි තැබීමක් සිදුව තිබේ. මොටර් රථයකින් පැමිණි පිරිසක් විසින් යතුරුපැදියේ ගමන් ගත් පුද්ගලයෙකු අනතුරකට ලක් කර පසුව යතුරුපැදියේ පැමිණි දෙදෙනාට තියුණු ආයුධයකින් පහරදී වෙඩි තබා ඇත. සිද්ධියෙන් යතුරුපැදියේ පැමිණි එක් අයෙකු තුවාල ලබා පළා ගොස් ඇති අතර අනෙක් පුද්ගලයා වෙඩි වැදීමෙන් ජීවිතක්ෂයට පත්ව තිබේ. යතුරුපදියෙන් පැමිණි දෙදෙනාගෙන් මිය ගිය තැනැත්තා මහාධිකරණයේ පවතින නඩුවකට අදාළව වෙන්නප්පුව පොලීසියේ අත්සන් කිරීමට පැමිණ ආපසු යමින් සිටි අවස්ථාවේදී මෙම වෙඩි තැබීම සිදුව ඇත. රිවොල්වර වර්ගයේ ගිනි අවියකින් මෙම වෙඩි තැබීම සිදුකර ඇති බවද පොලීසිය පවසයි. 2025 සැප්තැම්බර් මස 09 වැනි දින මිය ගිය පුද්ගලයාගේ නඩුව සම්බන්ධව අධිකරණ තීන්දුව ලැබීමට නියමිතව තිබූ බවද පොලීසිය වැඩිදුරටත් පැවසීය. More>>>

  ලබන වසර මුලදී රාජ්‍ය ආයතන ප්‍රධානීන් සඳහා කැබ් රථ 2000ක් ගෙන්විමට ද සැලසුම් කර ඇති බව පළාත් සභා සහ පළාත් පාලන නියෝජ්‍ය අමාත්‍ය රුවන් සෙනරත් මහතා පවසයි. ඒ පිළිබඳව වැඩිදුරටත් අදහස් දැක්වූ පළාත් සභා සහ පළාත් පාලන නියෝජ්‍ය  අමාත්‍ය රුවන් සෙනරත් මහතා, "බිම්මට්ටමේ සංවර්ධන ව්‍යාපෘති ක්‍රියාත්මක කරන්න නම් විශේෂයෙන්ම පළාත් පාලන ආයතන ප්‍රධානීන්ට ඒ ගම්මට්ටමට යන්න අවස්ථාව හදන්න ඕනේ. නිලධාරීන්ට යන්න එන්න අවස්ථාවක් හදන්න ඕනේ. වාහන ටික ඕනේ. යන්ත්‍රසූත්‍ර ටික ඕනේ ඒ නිසා අපි තීන්දුවක් ගත්තා නව රජය විසින් ලබන වසරේ පළාත් පාලන ආයතන තුළ විතරක් නෙමෙයි මේ රටේ සෑම ආයතනයකම ප්‍රධානීන්ට යන්න එන්න ප්‍රවාහන පහසුකම් සඳහා කැබ් රථ 2000ක් ලබන අවුරුද්දේ මුල් කාර්තුවේ ගෙන්වනවා. එතකොට ක්ෂේත්‍රවල යන නිලධාරීන්ට පහසුවෙන් යන්න පුළුවන්කම තිබෙයි. ඊළඟට පළාත් පාලන අයාතනවල වැඩ ටික ගම් මට්ටමේ ක්‍රියාත්මක වෙන කොට බෑකෝ යන්ත්‍රයක් වැනි යන්ත්‍ර ඕනේ. ඒ නිසා අපි දැනටමත් මුදල් වෙන්කරලා තිබුණා මේ අවුරුද්දේ සැලකිය යුතු ප්‍රමාණයක් ගේනවා. ලබන අවුරුද්දේ බලාපොරොත්තු වෙනවා මේ හැම පළාත් පාලන ආයතනයකටම මේ තිබෙන අවශ්‍යතා සම්පූර්ණ කර...

  සංචාරක ශ්‍රී ලංකා ක්‍රිකට් කණ්ඩායම සහ සිම්බාබ්වේ කණ්ඩායම අතර දෙවන සහ අවසන් එක්දින ක්‍රිකට් තරගය අද (31) පැවැත්වේ. හරාරේ ක්‍රීඩාංගණයේ පැවැත්වෙන මෙම තරගය මෙරට වේලාවෙන් ප.ව. 1ට ආරම්භවීමට නියමිතය.  ශ්‍රී ලංකා - සිම්බාබ්වේ තරග 2කින් සමන්විත එක්දින ක්‍රිකට් තරගාවලියේ පළමු තරගය ලකුණු 7කින් ජය ගැනීමට ශ්‍රී ලංකා කණ්ඩායම සමත්විය. ඒ අනුව මේ වනවිට 1ට බින්දුවක් ලෙස ශ්‍රී ලංකා කණ්ඩායම මෙම තරගාවලියේ පෙරමුණ ගෙන සිටී. ශ්‍රී ලංකා කණ්ඩාය අද තරගයට පිවිසින්නේ දෙවැනි තරගයත් ජයගෙන එක්දින තරගාවලිය තරග 2ට 0ක් ලෙස ජය ගැනීමේ අරමුණ ඇතිවය. කෙසේ වෙතත් පළමු එක්දින තරගයේදී ආබාධයකට ලක් වු නිෂාන් මදුෂ්ක වෙනුවට නුවනිඳු ප්‍රනාන්දු අද තරගය සඳහා එක්වීමට වැඩි ඉඩකඩක් ඇති බව ශ්‍රී ලංකා ක්‍රිකට් කණ්ඩායමේ පිතිකරණ පුහුණුකරු තිළිණ කණ්ඩම්බි අද දෙරණ සමගින් පවසා සිටියේය. දෙරට අතර විස්සයි20 තරගාවලිය සැප්තැම්බර් 3, 6 හා 7 දිනවල පැවැත්වෙන අතර, එම තරගද හරාරේ ක්‍රීඩාංගණයේදීම පැවැත්වීමට නියමිතය. More>>>

  යුක්‍රේන පාර්ලිමේන්තුවේ හිටපු කතානායකවරයෙකු වූ ඇන්ඩ්‍රි පරුබියි වෙඩි තබා ඝාතනය කර තිබේ. යුක්‍රේනයේ බටහිර නගරයක් වන ලිවිව්හිදී ඔහු ඝාතනයට ලක්ව ඇත. කුරියර්වරයෙකු ලෙස සැරසී වීදියේ සිටි පුද්ගලයෙකු විසින් ඇන්ඩ්‍රි පරුබියි වීදියේ ගමන් කරමින් සිටියදී ඔහු පිටුපසින් පැමිණ වෙඩි තබා මෙම ඝාතනය සිදුකර තිබේ. ඝාතනය සිදුකළ ඝාතකයා සොයා මේ වන විට එරට විශේෂ විමර්ෂනයක්ද ආරම්භ කර ඇති අතර යුක්‍රේන ජනාධිපතිවරයා පවසා ඇත්තේ අවශ්‍ය සිවලු බලවේගය මේ සඳහා යොදවා ඇති බවය. යුක්‍රේන ජනාධිපතිවරයා මෙම ඝාතනය පිළිබඳව අදහස් දක්වමින් පවසා ඇත්තේ මෙය බිහිසුණු මිනීමැරුමක් වන බවය. නාඳුනන තුවක්කුකරුවෙකුගෙන් වෙඩි ප්‍රහාර කිහිපයක් එල්ල වී ඇති අතර එම වෙඩි ප්‍රහාරයෙන් ඇන්ඩ්‍රි එම ස්ථානයෙන්ම ජීවිතක්ෂයට පත්ව තිබේ. 2013 වසරේ අග භාගයේදී  රුසියානු හිතවාදී හිටපු ජනාධිපති යනුකොවිච්ගේ රජය යුරෝපා සංගමය සමග ගිවිසුමක් අත්සන් කිරීම ප්‍රතික්ෂේප කිරීමෙන් පසුව ආරම්භ වූ යුරෝමයිඩන් ව්‍යාපාරයේදී පරුබි ප්‍රමුඛ චරිතයක් බවට පත් විය. පසුකාලීනව යනුකොවිච් බලයෙන් පහ කිරීමෙන් පසු ඔහු යුක්‍රේනයේ ජාතික ආරක්ෂක සහ ආරක්ෂක කවුන්සිලයේ ලේකම් බවටද පත...

  කෙහෙල්බද්දර පද්මේ ඇතුළු පිරිස අත්අඩංගුවට ගැනීමේ මෙහෙයුමට සම්බන්ධ වූ ඉන්දුනීසියානු පොලිස් නිලධාරීන් ඇගයීමට ලක්කරමින් තිළිණ ප්‍රදානයක්ද සිදුකළේය. එමෙන්ම එම මෙහෙයුමට සම්බන්ධ වූ ඉන්දුනීසියානු පොලිස් නිලධාරීන්ව හා මෙරට පොලිස් නිලධාරීන්ව මහජන ආරක්ෂක හා පාර්ලිමේන්තු කටයුතු අමාත්‍යවරයාගේ ඇගයීමටද ලක්විය. පසුගිය 27 වන දින ඉන්දුනීසියාවේදී අත්අඩංගුවට ගන්නා ලද මෙරට සංවිධානාත්මක අපරාධකරුවන් පස් දෙනෙකු ඊයේ 30 වන දින රාත්‍රියේ කටුනායක ගුවන්තොටුපොළෙන් දිවයිනට රැගෙන එන ලදි. එහිදී එම සැකකරුවන් අත්අඩංගුවට ගැනීමට සහ දිවයිනට රැගෙන ඒමට මූලිකත්වය ගත් ඉන්දුනීසියානු පොලිස් නිලධාරීන් හා ශ්‍රී ලංකා පොලිසියේ මෙම මෙහෙයුමට සම්බන්ධවූ නිලධාරීන්ද කටුනායක ගුවන්තොටුපොළේදී මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා සහ පොලිස්පති නීතීඥ ප්‍රියන්ත වීරසූරිය මහතා විසින් පිළි ගත්තේය. More>>>

  රුපියල් මිලියන 27කට අධික දළ වීථි වටිනාකමකින් යුත් කෙරළ ගංජා කිලෝ ග්‍රෑම් 121කට අධික තොගයක් නාවික හමුදා භාරයට ගෙන තිබේ. නාවික හමුදාව විසින් පසුගිය 27 සහ 29 දෙදින තුළ මන්නාරම වන්කාලෙලයි ප්‍රදේශය සහ යාපනය ඩෙල්ෆ්ට් දූපතට ඔබ්බෙන් වූ දේශීය ජල තීරයේ සිදුකළ විශේෂ සෝදිසි මෙහෙයුම් මගින් මෙම තොගය නාවික හමුදා භාරයට ගැනීමට හැකිව ඇත. මේ සමග සැකකරුවන් 05 දෙනෙකුද නාවික හමුදා භාරයට ගෙන ඇති අතර ඔවුන් අවුරුදු 19ත් 56ත් අතර පසුවන්නන් බවද නාවික හමුදාව පවසයි. මේ සමගම අදාළ කේරළ ගංජා තොගය ප්‍රවාහනය කළ බව කියන ඩිංගි යාත්‍රා දෙකක්ද නාවික හමුදා භාරයට ගෙන තිබේ. අදාළ ඩිංගි යාත්‍රා දෙක, කේරළ ගංජා තොගය සහ සැකකරුවන් වැඩිදුර විමර්ශන සඳහා ඩෙල්ෆ්ය් සහ වන්කාලෙයි යන පොලිස් ස්ථාන වෙත භාර දී ඇත. More>>>

  කෙහෙල්බද්දර පද්මේ ඇතුළු පිරිස ගැන පුළුල් විමර්ශනයක් සිදු කරන බව මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා පවසයි. ඔහු මේ බව සඳහන් කළේ කටුනායක ගුවන්තොටුපොළේ දී මාධ්‍ය වෙත අදහස් දක්වමිනි. එමෙන්ම එහිදී ඔහු සඳහන් කර සිටියේ මෙම සංවිධානාත්මක අපරාධ කණ්ඩායම් දීර්ඝ කාලයක් තිස්සේ මේ රටේ වර්ධනය වූයේ දේශපාලඥයන්ගේ ආශිර්වාදය සහිතව බවය. එමෙන්ම පාතාල අපරාධවලට තවදුරටත් මේ රටේ ජනතාව පීඩාවට පත් කිරීමට ඉඩ නොදෙන බවත් එය සම්පූර්ණයෙන්ම නවතා දැමීමට දැන් කාලය එළැඹ ඇති බවත් එහිදී අමාත්‍යවරයා වැඩිදුරටත් පැවසුවේය.  එහිදී වැඩිදුරටත් අදහස් දැක්වූ මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා, ''ප්‍රධානපෙළේ අපරාධ කල්ලියක් වශයෙන් කටයුතු කරපු, කෙහෙල්බද්දර පද්මේ කමාන්ඩර් සලිඳු ඇතුළු සංවිධානාත්මක අපරාධකරුවන් පස් දෙනෙක් ඉන්දුනීසියාවේ ඉඳලා අද ලංකාවට රැගෙන ආවා. මේ වෙනකොට ඔවුන් සියලු දෙනා අපරාධ පරීක්ෂණ දෙපාර්තමේන්තුවේ අත්අඩංගුවට පත්වුණා. විශේෂයෙන් මේ ක්‍රියාන්විතයේදී මං හිතන්නේ අපි දීර්ඝ කාලයක් සැලසුම් කරලා විශේෂයෙන් පොලිසිය, පොලිස්පතිතුමා, විශේෂයෙන් අපරාධ පරීක්ෂණ දෙපාර්තමේන්තුව...

  බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (31) දිනයේ වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.  එම දෙපාර්තමේන්තුව සඳහන් කරන්නේ, වයඹ පළාතේ සහ යාපනය දිස්ත්‍රික්කයේ වැසි ස්වල්පයක් ඇතිවිය හැකි බවය. ඌව පළාතේත් අම්පාර සහ මඩකලපුව දිස්ත්‍රික්කවලත් ප.ව. 2.00න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකියි. මධ්‍යම කඳුකරයේ බටහිර බැවුම් ප්‍රදේශවලත් උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැ.කි.මී. 40-50ක පමණ තද සුළං ඇතිවිය හැකි බව කාලගුණ විද්‍යා දෙපාර්තමේන්තුව නිවේදනය කරයි.  තද සුළං හේතුවෙන් ඇතිවිය හැකි අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටී. මේ  අතර දෘශ්‍ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් 07 දක්වා ශ්‍රී ලංකාව ආසන්න අක්ෂාංශවලට සෘජුවම ඉහළින් පවතී.  අද (31) දින දහවල් 12:10 ට බත්තලන්ගුන්ඩුව, මැදවච්චිය, හොරොව්පතාන සහ කින්නියා ප්‍රදේශවලට හිරු මුද...

  ඊශ්‍රායල විසින් එල්ල කළ ගුවන් ප්‍රහාරයකින් යේමනයේ හූති පාලන කොටසේ අග්‍රාමාත්‍යවරයා වන අහමඩ් අල්-රහාවි මිය ගොස් ඇති බව විදෙස් මාධ්‍ය වාර්තා කර තිබේ. සානාහි සිදු වූ ප්‍රහාරයකින් ඔහු ඇතුළු අමාත්‍යවරුන් කිහිප දෙනෙකු මිය ගිය බව හූති කැරලිකරුවන් අද (30) නිවේදනයක් නිකුත් කරමින් සඳහන් කර ඇත. 2024 අගෝස්තු මාසයේ සිට හූති ප්‍රමුඛ රජයේ අගමැති ලෙස මොහු කටයුතු කර ඇති බව විදෙස් මාධ්‍ය වැඩිදුරටත් සඳහන් කළේය .More>>>

  පසුගිය කාල වකවානුවේදී විවිධ හේතූන් මත අතුරුදන්වූවන්ගේ පවුලේ ඥාතින්ගේ සුබ සාධනය උදෙසා නව වැඩපිළිවෙළක් ආරම්භ කරන බව අධිකරණ හා ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පවසයි. අතුරුදන්වූවන් අනුස්මරණය කිරීමේ ජාත්‍යන්තර දිනයට සමගාමීව පැවති ජාතික වැඩසටහනට ඊයේ එක්වෙමින් ඔහු මෙම අදහස් පළ කළේය. අදට යෙදී ඇති 'බලහත්කාරයෙන් අතුරුදන් කිරීම්වලට ලක්වූවන්ගේ ජාත්‍යන්තර දිනය' නිමිත්තෙන් උතුරු නැගෙනහිර දෙමළ ජනතාව සිය අතුරුදන්වු ඥාතීන් වෙනුවෙන් යුක්තිය ඉල්ලා විරෝධතා පාගමනක නිරත විය. ඔවුන් යාපනය කිට්ටු උද්‍යානයේ සිට චෙම්මනි දක්වා ගමන් කළේය. එම අවස්ථාව ද්‍රවිඩ එක්සත් විමුක්ති පෙරමුණේ මහලේකම් ආනන්ද සංගරී සහ හිටපු පාර්ලිමේන්තු මන්ත්‍රී එම්.කේ.ස්වාජිලිංගම් මහතා ද එක්ව සිටියේය. මේ අතර අතුරුදන් වූ තැනැත්තන් පිළිබඳ කාර්යාලය මගින් අතුරුදන් වූවන් ස්මරණය කිරීමේ ජාත්‍යන්තර දිනයට සමගාමීව පැවති ජාතික උත්සවය  අරලියගහ මන්දිරයේ සම්මන්ත්‍රණ ශාලාවේදී ඊයේ පැවැත්විය. එම අවස්ථාවට අතුරුදන්වූවන්ගේ පවුල්වල සාමාජිකයන්ගෙන් සමන්විත 500ක පමණ පිරිසක්ද එක්විය. More>>>

  ඉන්දුනීසියාවේ ජකර්තා හිදී අත්අඩංගුවට ගත් අපරාධ කල්ලි සාමාජික කෙහෙල්බද්දර පද්මේ ඇතුළු පිරිස රැගත් ගුවන් යානය මීට සුළු මොහොතකට පෙර කටුනායක ජාත්‍යන්තර ගුවන්තොටුපොළ වෙත ළඟා වී තිබේ. පැය කිහිපයක ප්‍රමාදයකින් අනතුරුව අද (30) පස්වරු 3.30ට පමණ ජකර්තා අගනුවරින් පිටත් වූ ගුවන් යානය රාත්‍රී 7.20ට පමණ ගුවන් තොටුපොළ වෙත ළඟා වී ඇත. මේ වන විට කටුනායක ගුවන් තොටුපොළ තුළත් ඉන් පිටත ප්‍රදේශයේත් දැඩි ආරක්ෂාවක් යොදවා ඇතැයිද "අද දෙරණ" වාර්තාකරු පැවසීය. මේ වන විට මෙම අවස්ථාව නිරීක්ෂණය කිරීම සදහා මහජන ආරක්ෂක අමාත්‍ය ආනන්ද විජේපාල, පොලිස්පති ප්‍රියන්ත වීරසූරිය, පොලිස් මාධ්‍ය ප්‍රකාශක වුඩ්ලර් යන මහත්වරුන් ඇතුළු පොලිස් විශේෂ කාර්යය බළකායේ සහ අපරාධ පරීක්ෂණ දෙපාර්තමේන්තු උසස් නිලධාරීන් පිරිසක් ද කටුනායක ගුවන් තොටුපොළ වෙත පැමිණ තිබේ. ඔවුන් බස්නාහිර උතුර අපරාධ කොට්ඨාශය භාර සහකාර පොලිස් අධිකාරී රොහාන් ඕලුගල සහ අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී මහින්ද ජයසුන්දර යන නිලධාරීන් දෙදෙනා විසින් ඉන්දුනීසියාවේ විශේෂ පොලිස් කණ්ඩායමකගේ සහභාගීත්වයෙන් මෙම අත් අඩංගුවට ගැනීම සිදු කර තිබුණි. More>>...